AĞSAQQAL MƏSLƏHƏTİ

Ötən ilin fut­bo­lu­muz­da olan ye­ni­lik­lə­rin­dən bi­ri AFFA tə­rə­fin­dən Məşq­çi­lər Ko­mi­tə­si­nin ya­ra­dıl­ma­sı ol­du. Şa­kir Qə­ri­bov, Ağa­sə­lim Mirca­va­dov, Böyük­ağa Hacıy­ev, Şa­hin Di­niy­e­vin yer al­dığı qu­ru­ma mil­li­mi­zin sa­biq baş məşqçi­si Va­qif Sa­dı­qov sədr təy­in edil­di. Öl­kə­mi­zin bütün yaş qrup­la­rı üzrə yığma ko­man­da­la­rı­na eləcə də çem­pi­o­nat­da iş­ti­rak edən klub­la­rın işi­nə nə­za­rət edəcək Məşqçi­lər Ko­mi­tə­sin­dən göz­lən­ti­lər çox­dur. Fut­bol icti­ma­iyyə­tin­də məşqçi­lə­ri­mi­zin öl­kə fut­bo­lu­nun prob­lem­lə­ri­ni AFFA rəh­bər­liy­i­nə çat­dı­racağı­na və on­la­rın həl­li­nə kö­mək olacağı­na inam bö­yük­dür. Bu mə­na­da məşqçi­lə­rin da­im həm­kar­la­rıy­la görüşmə­si, tez-tez AFFA rə­s­mi­lə­riy­lə ünsiyyət­də ol­ma­sı yax­şı hal­dır.

"R+" Azər­baycan mil­li­si­nin sa­biq baş məşqçi­si, Məşqçi­lər Ko­mi­tə­si­nin sə­d­ri Va­qif Sa­dı­qov­dan rəh­bər­lik et­diyi qu­ru­mun işiy­lə bağlı müsa­hi­bə alıb.

- Məşqçi­lər Ko­mi­tə­si­nin üzvlə­ri An­talya­da klub­la­rı­mı­zın ha­zır­lığı­nı iz­lə­mək­lə ya­na­şı, aşağı yaş qrup­la­rı üzrə yığma­nın məş­qlə­rin­də də ol­du. An­talya­da­kı ha­zır­lı­q­dan ra­zı qal­dı­nız­mı?

- Türkiy­ə­də ol­duğu­muz müddə­ti sə­mə­rə­li və işgü­zar ke­çir­dik. Klub­la­rı­mı­zın, ən əsa­sı isə aşağıy­aş­lı fut­bol­çu­lar­dan iba­rət yığma­la­rı­mı­zın oy­un­­la­rı­nı, məş­qlə­ri­ni iz­lə­dik, baş məşqçi­lə­ri ilə söh­bət­ləş­dik. Görüşlər­dən də hiss olu­nur ki, ko­mi­təyə inam böyükdür, gə­ləcək­də Azər­­baycan fut­bo­lu­na xe­y­ir ve­rəcək ad­dım­lar göz­ləy­ir­lər. Bütün sağlam qüvvə­lə­ri bir­ləş­di­rib, fut­bo­lu­muz na­mi­nə iş­lər gör­mək is­təy­i­rik. An­talya­da ol­duğu­muz müddət­də ma­raq­lı görüşlə­ri­miz ol­du. Həm U-17, həm də U-16-nın məşqçi­lə­ri ilə gö­rüş­dük. Fut­bol­çu­la­ra çat­dır­dıq ki, gə­lə­cək­də on­la­ra böyük ümid­lər bəs­lə­ni­lir. Öz üzər­lə­rin­də iş­lə­mə­li, in­ki­şaf et­­mə­li və fut­bo­lu­mu­za xey­ir ver­mə­li­dir­lər. Bu pro­ses­lər vaci­b­dir. Klub­la­rın bi­zi din­lə­mə­si, fi­kir müba­di­lə­lə­ri­nin qar­şı­lıq­lı an­laş­ma şə­ra­i­tin­də ke­ç­mə­si də xoş hal­dır. Bu iş­lə­rin bəh­rə­si­ni gə­ləcək­də mütləq gö­rəcə­y­ik. Məş­qlər­dən baş məşqçi­lər ra­zı qal­­ma­lı­dır. Biz on­la­rın işi­nə qa­rış­mı­rıq, sa­dəcə, müşa­hi­də edir­dik.

- Klub­la­rı­mı­zın çem­pi­o­na­tın ikinci ya­rı­sı­na ha­zır­lığı Məşqçi­lər Ko­mi­tə­si­nin üzvlə­ri tə­rə­fin­dən necə dəy­ər­lən­di­ri­lir?

- Əg­ər Azər­baycan fut­bo­lu­nun in­ki­şa­fın­dan da­nı­şı­rıq­sa, ilk növ­bə­də, klub­la­ra diq­qət ye­tir­mə­li, on­lar­dan baş­la­ma­lıyıq. Klub­la­rı­mız çem­pi­o­nat­da id­di­a­lı ol­ma­lı, yüksək yer­lər uğrun­da müba­ri­zə apar­ma­lı, av­ro­ku­bok­lar­da da öz söz­lə­ri­ni de­mə­li­dir­lər. Ha­zır­kı mən­zə­rəyə diq­qət ye­tir­sək, klub­lar­da iş­lə­rin pe­şə­kar sə­viyyə­də qu­rul­duğu­nu gö­rə­rik. Apa­rı­lan iş­lər tez­lik­lə bəh­rə­si­ni ve­rəcək. Klub-yığma si­s­te­mi­ni bər­pa et­mək­lə, on­la­rın ma­raq­la­rı­nı üst-üstə qoy­maq­la in­ki­şa­fa na­il olacağıq. Məşqçi­lər Ko­mi­tə­si­nin üzvü Böyükağa Hacıy­ev Ba­kı­da ha­zır­la­şan klub­la­rı nə­za­rət­də sax­layıb. Biz An­talya­da sə­fər­də ol­duq. Bütün klub­la­rı­mı­zın çem­pi­o­na­ta böyük hə­vəs­lə ha­zır­laş­dığı­nı söy­ləyə bi­lə­rəm. Məncə, qar­şı­da­kı oy­un­lar da­ha ma­raq­lı olacaq.

- Klub­lar­da yığma­nın fut­bol­çu­la­rı əsas diq­qət mər­kə­zin­də olub. Mil­li­nin fut­bol­çu­la­rı top­la­nış­lar­da və yox­la­ma oy­un­la­rın­da necə tə­sir bağış­layır­lar?

- Mil­li ko­man­da ha­q­da çox da­nış­maq is­tə­mi­rik. Çünki baş məşqçi də bi­zim­lə idi və kö­mək­çi­lə­ri ilə bi­rgə oy­un­la­rı, məş­qlə­ri iz­ləy­ib. Eh­tiy­ac duy­ul­sa, biz müəyyən tö­v­siy­ə­lər ve­rə bi­lə­rik. Ancaq yığma­nın üzvlə­ri­nin öz­lə­ri­ni yax­şı tə­rəf­dən gö­s­tər­dik­lə­ri­ni deyə bi­lə­rəm. Pro­si­neç­ki An­talya­da ol­duğu üçün fut­bol­çu­la­rın mə­­su­liyyə­ti da­ha da ar­t­mış­dı. On­lar ba­şa düşürdülər ki, mil­li­nin baş məşq­çi­si hər şeyi iz­ləy­ir.

 - Diq­qə­ti­ni­zi xüsu­si cəlb edən fut­bol­çu­lar ol­du­mu?

- Kon­kret ad­lar çək­mək is­tə­mi­rəm. Am­ma be­lə fut­bol­çu­lar olub. Pro­­si­neç­ki və kö­mək­çi­lə­ri bütün fut­bol­çu­la­rı diq­qət­də sax­layır.

- Klub­lar­la, eləcə də yığma ko­man­da­lar­la görüşdüyünüzü de­di­niz. AFFA rəh­bər­liy­i­nə tə­q­dim et­mək üçün han­sı tək­li­f­lə­ri ha­zır­layır­sı­nız?

- Bun­la­rı si­s­tem, lay­i­hə ha­lı­na sal­­­maq üçün müəyyən vaxt la­zım­dır. Biz in­di tö­v­siyə xa­rak­ter­li böyük la­y­i­hə ha­zır­layı­rıq. Hə­min tək­li­f­lə­ri AFFA rəh­bər­liy­i­nə tə­q­dim edəcəy­ik. Tək­li­f­lər ara­sın­da le­g­i­o­ner li­mi­ti, çem­pi­o­na­tın req­la­men­ti və di­g­ər mə­sə­lə­lər­lə bağlı fi­kir­lə­ri­miz olacaq. Hə­lə­lik bu ba­rə­də me­di­aya da­nış­maq is­tə­məz­dim.

- Azər­baycan Premyer Li­qa­sı­nın sə­viyyə­si aşağı düşüb. Ca­ri çem­­pi­o­na­tın nis­bə­tən zə­if ol­ma­sı fi­k­­riy­lə ra­zı­sı­nız?

- Məşqçi­lər Ko­mi­tə­si­nin iclas­la­rın­da bu mə­sə­lə­ni müza­ki­rə edi­rik. Əsas odur ki, çem­pi­o­nat­da­kı bu eni­şin sə­bəb­lə­ri­ni öy­rə­nək. Bun­dan so­n­ra mə­sə­lə­nin həl­li yol­la­rı­nı tap­ma­lıyıq. "Araz Nax­çı­van"ın çem­pi­o­na­tı ya­rı­m­çıq tərk et­mə­si, bə­zi klub­la­rın çem­pi­o­na­tın ge­di­şi za­ma­nı öz stra­te­g­iy­a­sı­nı dəy­iş­məyi qeyd et­diy­i­miz prob­lem­lə­ri ya­rat­dı. Azər­baycan fut­bo­lu üçün klub­lar­da görülən iş­lər çox vaci­b­dir. Məncə, gə­ləcək­də legio­nerlər üçün req­la­ment və li­mit mə­sə­lə­si­nə ay­dın­lıq gə­tir­mək­lə klub­la­rı mü­əyyən bir çər­çi­vəyə sal­ma­lıyıq və əsl pe­şə­kar işi gör­mə­liy­ik. Han­sı ki, bu iş­lər gə­ləcək­də mil­li­mi­zə də tə­kan ve­rəcək. Bu gün çem­pi­o­na­tı­mı­zın sə­viyyə­si­nin han­sı sə­bə­b­dən be­lə aşağı düşmə­si­ni də­qiq deyə bil­mə­rəm. Ancaq bu ba­rə­də cid­di müza­ki­rə­lər apar­ma­lıyıq. Gə­ləcək­də mö­vcud səh­vlə­ri ara­dan götürmə­liy­ik.

- Sə­bəb­lə­ri də­qiq bil­mə­sək də, nə­ticə odur ki, klub­lar ara­sın­da sə­viyyə fər­qi ar­tıb.

- Bə­li, görürük ki, bu il "Qa­ra­bağ", "İn­ter" və "Neftçi" di­g­ər ko­man­da­lar­dan xey­li irə­li­də­dir və oy­un­­la­rı ilə də se­çi­lir­lər. Ar­tıq bu üç ko­man­da, de­mək olar ki, Av­ro­li­qaya və­si­qə­ni tə­min edib. Bu da o de­mək­dir ki, çem­pi­o­nat­da rə­qa­bət yox­dur. Rə­qa­bət ol­may­an yer­də in­ki­şaf da ola bil­məz. Məncə, prob­lem­lər təkcə si­s­tem­də yox, klub­la­rın ida­rə­et­mə­sin­də də var. Bun­dan əla­və, li­mit­də olan dəy­i­şik­lik­lər də özünü doğrul­t­ma­dı. Ən vaci­bi odur ki, biz bu gün prob­lem­lə­ri görürük və on­la­rı ara­dan qal­dır­maq üçün ça­lı­şı­rıq.

- Tez-tez mil­li­nin baş məşqçi­si Ro­bert Pro­si­neç­kiy­lə görüşürsü­nüz. Ümu­miyyət­lə, xor­vat məşqçi ha­q­da fi­kir­lə­ri­niz necə­dir?

- Bi­zim Pro­si­neç­kiy­lə da­im tə­ma­s­­da ol­mağı­mız yax­şı hal­dır. Biz onun­la bütün mə­sə­lə­lə­ri müza­ki­rə edi­rik. Özü dey­ib ki, in­ki­şaf üçün bi­rgə ça­lış­ma­lıyıq.

Pro­si­neç­kiyə tək­lif et­dik ki, heç ol­ma­sa, ay­da bir də­fə onun­la gö­rüşək. O isə bil­dir­di ki, ilk növ­bə­də, mən si­zin­lə görüşməyə eh­tiy­ac duy­u­­ram, həf­tə­də bir də­fə görüşək. Pro­si­neç­ki Azər­baycan fut­bo­lun­da ye­ni si­ma­dır. O, fut­bo­lu­mu­za bə­ləd dey­il. İlk günlər­də­ki iş prin­si­pi yax­şı fi­kir for­ma­laş­dı­rıb. Ək­sər vax­tlar­da Azər­baycan­da olur, bütün oy­un­la­rı iz­ləy­ir.

Bun­dan baş­qa aşağı yaş qrup­la­rı üzrə ko­man­da­la­rın məşqçi­lə­ri ilə gö­rüşlə­ri­miz olub. Klub­lar Ko­mi­tə­si­nin sə­d­ri Tuyğun Na­di­rov­la da fi­kir mü­ba­di­lə­si apar­mı­şıq. Bu görüşlər­dən bir şey hiss olun­du ki, Məşqçi­lər Ko­mi­tə­si­nə inam var, biz­dən məs­lə­hət­lər göz­ləy­ir­lər. He­sab edi­rəm ki, AFFA bu ko­mi­tə­ni ya­rat­ma­q­da düz­gün ad­dım atıb. AFFA bu gün xey­li say­da lay­i­hə­lər həy­a­ta ke­çi­rir. Bu­na nə­za­rə­ti pe­şə­kar­lar et­mə­li­dir. Biz ki­min­sə mən­fi tə­rə­fin aş­kar­la­maq üçün ya­ran­ma­mı­şıq. Ək­si­nə, də­s­­tək üçün fə­a­liyyət gö­s­tə­ri­rik. Biz də ça­lı­şı­rıq ki, fut­bo­lu­mu­za bir ye­ni­lik gə­ti­rək. Görüş za­ma­nı Pro­si­neç­kiyə bil­dir­mi­şik ki, ha­mı­mı­zın niyyə­ti bir ol­sun. Niyyə­ti­miz odur ki, Azər­bay­can fut­bo­lu tez­lik­lə Av­ro­pa­da söz sa­hi­bi ol­sun. Nə­zə­rə al­saq ki, 2020-ci il­də Av­­ro­pa Çem­pi­o­na­tı­nın bə­zi oy­un­la­rı Ba­kı­da ke­çi­ri­ləcək, niyə bi­zim mil­li ko­man­da­mız da öz öl­kə­miz­də ke­çi­ri­lən bu tur­nir­də iş­ti­rak et­mə­sin? Yə­ni bu iş­lə­ri­mi­zi bu ar­zu­lar­la qu­ru­ruq. İna­nı­ram ki, gördüyümüz iş­lər gə­ləcəyə öz bəh­rə­si­ni ve­rəcək.

- De­mə­li, Məşqçi­lər Ko­mi­tə­si Ro­bert Pro­si­neç­kiyə mil­li­də­ki işin­də kö­mək olacaq?

- Biz heç ki­min işi­nə qa­rış­mı­rıq. Sa­dəcə, la­zım olan­da bə­zi tö­v­siy­ə­lə­ri­mi­zi ve­ri­rik. Pro­si­neç­ki özü bil­di­rir ki, bi­zim­lə görüşlə­rə eh­tiy­acı var. O, ilk gündən öz fə­al­lığı ilə hər bi­ri­mi­zin rəğbə­ti­ni qa­za­nıb. Hə­lə təy­i­na­tın­dan əv­vəl Pro­si­neç­ki çem­pi­o­nat oy­un­­la­rı­nı iz­ləy­ir­di. Baş məşqçi ol­du­q­dan so­nra isə o, və­tə­ni­nə qayıt­ma­dı, Azər­­baycan­da qa­lıb aşağı yaş qrup­la­rı­nın li­qa­la­rı ilə ya­xın­dan ta­nış ol­du. Yə­ni iş­lə­mək is­təy­i­ni or­taya qoy­ub. Nə­zə­rə al­ma­lıyıq ki, Pro­si­neç­ki uğu­ra ac olan bir mütə­xəs­si­s­dir. Hər bi­ri­miz ça­lı­şı­rıq ki, ona də­s­tək olaq və bir­lik­də fut­bo­lu­mu­zu irə­li apa­raq. Hər bir nə­ticəyə baş məşqçi ca­va­b­deh­dir. Ancaq mən is­tər­dim ki, pis gündə də ha­mı­mız bir yer­də olaq, özümüzü mil­li ko­man­da­mız­dan ayır­may­aq. O za­man biz uğu­ra na­il ola bi­lər­dik. Gördüyünüz ki­mi, Av­ro­li­qa oy­un­la­rı za­ma­nı hər bi­ri­miz "Qa­ra­bağ"lı ol­duq.

- Mil­li­mi­zin ke­çi­rəcəyi yol­daş­lıq oy­un­la­rı ilə bağlı tər­k­li­f­lə­ri­niz olub?

- Pro­si­neç­ki çox az bir vaxtda mil­li ko­man­da ilə bir yer­də olacaq. Yə­ni mart ayı­na qə­dər o, 10 gün ko­man­da ilə bir­lik­də olacaq. İlk növ­bə­də, in­for­ma­siya əl­də et­mə­li­dir. Fe­v­ral­da iki yox­la­ma görüşü ke­çir­məyi plan­laş­dı­rır. Ola bi­lər yığma klub­la­ra qar­şı müba­ri­zə apar­sın. Mal­tay­la rə­s­mi oy­u­na qə­dər mil­li­ni da­ha yax­şı ta­nı­mağa ça­lı­şacaq. Ca­ri se­ç­mə mər­hə­lə­də Pro­si­neç­ki fut­bo­lu­mu­zu ta­nı­ma­lı­dır, mil­li­də döyüşkən ruh ya­rat­ma­lı­dır.