ƏSL OLİMPİADA

-"Ba­kı-2015" bi­rinci Av­ro­pa Oy­un­la­rın­da fi­na­la­dək irə­li­lə­mək və gümüş me­dal qa­zan­maq çə­tin ol­du?

- Çox çə­tin ol­du. Av­ro­pa Oy­un­la­rı­na ən ti­tul­lu, təcrübə­li gü­ləş­çi­lər gə­lib. Fi­na­la ge­dən yol­da Av­ro­pa və dünya çem­pi­o­nat­la­rı­nın müka­fat­çı­la­rı ilə qar­şı­laş­maq la­zım gə­lir­di. Fi­nal­da ta­nın­mış Ru­siya id­man­çı­sı­na məğlub ol­dum.

Av­ro­pa Oy­un­la­rın­da me­dal qa­zan­maq mə­nim id­man­çı həy­a­­tı­mın vacib mər­hə­lə­si idi. Bu, uzun, cid­di ça­lış­ma­nın nə­ticə­si­dir. İn­di növ­bə­ti tur­nir­lə­rə ha­zır­la­şacağıq.

- Av­ro­pa Oy­un­la­rı­nın təş­ki­li sə­viyyə­si­ni necə qiy­mət­lən­di­rir­si­niz? Məş­qlər, is­ti­ra­hət üçün ya­ra­dıl­mış şə­ra­it necə­dir?

- Dünya və Av­ro­pa çem­pi­o­nat­la­rın­da iş­ti­rak et­mi­şəm. Odur ki, təş­ki­lat­çı öl­kə­nin gördüyü iş­lə­rin sə­viyyə­si ha­q­da fi­kir yürüdə bi­lə­rəm. Azər­baycan ya­rış iş­ti­rak­çı­la­rı üçün əla şə­ra­it ya­ra­dıb. Ae­ro­port­da qar­şı­lan­ma­dan tut­muş, At­let­lər kən­din­də yer­ləş­məyə, nəq­liyyat­la tə­min olu­ni­maya, is­ti­ra­hə­tin təş­ki­li­nə­dək hər şey ən yüksək sə­viyyə­də­dir. Av­ro­pa Oy­un­la­rı­nın açı­lış mə­ra­si­mi xüsu­si­lə emo­si­o­nal mə­qam idi. Ko­man­da­la­rın möh­tə­şəm Olim­piya sta­di­o­nu­na çı­xı­şı yad­da­qa­lan ol­du. Da­ha so­nra baş­lay­an açı­lış mə­ra­si­mi möh­tə­şəm idi. Hey­dər Əliy­ev adı­na İd­man Kom­lek­sin­də gü­ləş ya­rı­şı­nın təş­ki­li­nin də yüksək pe­şə­kar­lıq­la həy­a­ta ke­çi­ril­diy­i­ni söy­lə­mək la­zım­dır. Ən ki­çik de­ta­la­dək, hər şey nə­zə­rə alı­nıb. Təş­ki­lat­çı­lar gü­ləş­çi­lə­rin ya­rı­şı­nın əla ke­ç­mə­si üçün bütün iş­lə­ri görüblər.

- Asu­də vax­tı­nız­da Ba­kı­nı gəz­məyə macal tap­dı­nız­mı?

- Bə­li. Ko­man­da­mız bu­raya ya­rış­la­rın baş­la­ma­sın­dan xey­li əv­vəl gə­lib. Məq­səd id­man­çı­la­rın iq­li­mə uyğun­laş­ma­sı­na kö­mək et­mək idi. Bu im­kan­dan is­ti­fa­də edə­rək Qız qa­la­sı­na get­dik, İçə­ri­şə­hə­ri gəz­dik. Sərt pəh­ri­zə bax­may­a­raq - ya­rı­ş­öncə­si müəyyən çə­ki­ni qo­ru­y­ub sax­la­ma­lıyıq - özümüzü sax­laya bil­mə­dik və Azər­baycan mət­bə­xi­nin ləz­zət­li xö­rək­lə­ri­nin da­dı­na da bax­dıq.

Son də­fə Azər­baycan­da 2012-ci il­də ke­çi­ril­miş Qran-pri za­ma­nı ol­mu­şam. 3 il­də Ba­kı da­ha da gö­zəl­lə­şib. Küçə­lər tə­miz, bi­na­lar gö­zəl­dir. Dünya­nın is­tə­ni­lən şə­hə­ri bun­la­rı ar­zu­lay­ar.

- Əl­də et­diy­i­niz uğu­ra Mol­do­va­dan han­sı re­ak­siya gəl­di?

- Fi­na­la­dək te­le­fo­nu­mu bağla­mış­dım - özümü to­par­la­ma­lı, fi­k­ri­mi ya­rı­şa cəm­lə­mə­li idim. Fi­nal­dan so­nra te­le­fo­nu­mu açar-aç­maz say­sız-he­sab­sız SMS-lər, zə­ng­lər al­mağa baş­la­dım. Qo­hum­la­rım, do­stla­rım, ta­nış­la­rım mə­ni tə­b­rik edir­di­lər. Mol­do­va­nın müxtə­lif şə­hər­lə­rin­dən də tə­b­rik­lər gə­lir.

- Bu ya­rış­da ən çox ya­dı­nız­da qa­lan nə ol­du?

- Kon­kret bir mə­qa­mı, bir anı fər­q­lən­dir­mək çə­tin­dir. Bi­rinci Av­ro­pa Oy­un­la­rı ilə bağlı hər şey mən­də ən xoş tə­əssürat­lar ya­ra­dıb. İs­tər Ba­kı­nı gə­zər­kən, is­tər­sə də ya­rış­lar­da iş­ti­rak edər­kən çox ma­raq­lı an­lar ya­şa­dıq. On­lar­dan han­sı­nı­sa fər­q­lən­dir­mək mümkün dey­il.

Gü­ləş ya­rı­şı­nın ke­çi­ril­diyi gö­zəl sa­ray­da qey­ri-adi id­man bay­ra­mı at­mo­sfe­ri hökm sürürdü. Ta­ma­şa­çı­lar tə­rə­fin­dən bu cür də­s­təy­in ol­ma­sı gü­ləş­çi­lə­ri ruh­lan­dı­rır. Odur ki, Av­ro­pa Oy­un­la­rı­nın ke­çi­ril­diyi günlər­də bütün ya­rış­lar ma­raq­lı keç­di. Azər­baycan­da gü­lə­şin bu qə­dər po­pulyar ol­ma­sı çox xo­şu­ma gəl­di. Ta­ma­şa­çı­lar gü­ləş ya­rış­la­rı­nı iz­lə­mək üçün tri­bu­na­la­rı dol­du­rur­du­lar. Nə­ticə­də ya­rış­lar da­ha ba­xım­lı alı­nır­dı. Bu id­man növünü se­vən, ba­şa düşən, emo­si­o­nal şə­kil­də azar­keş­lik edən ta­ma­şa­çı­la­rın qar­şı­sın­da döyüşmək is­tə­ni­lən gü­ləş­çi üçün xoş­dur.

Qeyd et­mək is­təy­i­rəm ki, Azər­baycan əsl Olim­pi­a­da ke­çir­di. Olim­piya oy­un­la­rı­nın Ba­kı­da ke­çi­ri­lən bi­rinci Av­ro­pa Oy­un­la­rın­dan yax­şı təş­kil edi­lə bi­ləcəy­i­ni düşünmürəm.

Moldova komandası birinci Avropa Oyunlarında yaradılmış şəraitdən razıdır

Azərbaycan birinci Avropa Oyunlarında iştirak etmək üçün bütün komandalara ən yüksək şəraiti yaradıb. Bunu "R+"a açıqlamasında Moldova Milli Olimpiya Komitəsinin vitse-prezidenti Nikolaye Pyatak bildirib.

"Moldova yığması "Bakı-2015" birinci Avropa Oyunlarında 12 idman növü üzrə 86 idmançı ilə təmsil olunub. Moldovalı idmançılar və nümayəndə heyətinin üzvləri yekdilliklə bu fikirdədirlər ki, Azərbaycan bütün komandalara yarışlarda iştirak etmək üçün ən yaxşı şəraiti yaradıb. Qonaqların Bakıya gəlişinin asan və xoş olması üçün bütün lazımi işlər görülüb. İdmançıların qidalanmasından tutmuş, məşqlərə, istirahətədək", - deyə N.Pyatak bildirib.

Onun sözlərinə görə, Moldova MOK-un nümayəndə heyəti yarışlara hazırlığın gedişilə tanış olmaq üçün Bakıya sfər edibmiş: "Görülən işlərin miqyası, gözəl Olimpiya stadionu, möhtəşəm arenalar və digər idman infrastrukturu bizi valeh etmişdi. Birinci Avropa Oyunlarının açılış mərasimi də möhtəşəm idi. Azərbaycan idman yarışlarının təşkili səviyyəsinə görə Avropa standartlarını geridə qoydu. Nümayəndə heyətimizin hər bir üzvü Bakını çox bəyənib. Təmiz, səliqəli, gözəl və bənzərsiz şəhər. Bakı gələcək Olimpiada şəhəridir. Azərbaycan xalqına xoşbəxtlik və firavanlıq arzulayıram. Qoy qitə və dünya miqyasında keçiriləcək gələcək yarışlarda daim Azərbaycan himni səslənsin, bayrağı dalğalansın".