SEVGİ VƏ SEVİNC RƏNGİ

Muzey Mərkəzinin İncəsənət Qalereyasında Azərbaycanın Əməkdar rəssamı İsa Məmmədovun xatirəsinə həsr olunmuş fərdi sərgi keçirilir. “Bakının mənzərələri” sərgisi Mədəniyyət Nazirliyi, Bakı Şəhər İcra Hakimiyyəti, Azərbaycan Dövlət Rəssamlıq Akademiyası, Muzey Mərkəzi, Rəssamlar İttifaqı və Qərbi Azərbaycan İcmasının dəstəyi ilə təşkil olunub.

İsa Məmmədov Qafan (Qərbi Azərbaycan) yaxınlığındakı kiçik bir kənddə doğulub və boya-başa çatıb. O, 1974-cü ildə Bakıya gəlib. Əzim Əzimzadə adına Rəssamlıq Məktəbini bitirdikdən sonra burada həmişəlik qalıb. Böyük şəhərin sakini olandan sonra o, tez-tez Azərbaycanın rayonlarına səfər edirdi. Quba, Xaçmaz, İsmayıllı, Lahıc - rəssamın tez-tez olduğu rayonlar idi. O, həmin məkanlarda ətraf aləmin gözəlliyinə qoşulduğunu hiss edirdi. Bu, hələ erkən uşaqlıqdan onun ilham mənbəyi olub. Doğma torpaqları gəzərkən rəssam sanki gözəllik dünyasını yenidən kəşf edirdi. Və bu dünya onun məhəbbət hissi ilə doludur. Buna görə də “Bakının mənzərələri” adı altında toplanmış və sərgilənən şəhər mənzərələri meqapolisin səs-küyündən uzaqdır. Rəssam bu ilin iyununda vəfat edib. 60 əsərdən ibarət sərgi hələ onun sağlığında planlaşdırılırdı. İndi bu sərgi açıqdır, rəssam və gözəl insan olan İsa Məmmədovun xatirəsinə həsr olunub.

Rəssamın mənzərəsi

Rəssamın 60 əsərində - sakitlik və rahatlıq, məhz burada və indi həyatın sevincli hissləri var. Şəhərin ruhunun və rəssamın ona olan böyük məhəbbətinin harmonik birləşməsinin anları onun hər bir əsərində əks olunub. Bu sevginin güclü axını altında hansı rəsmin qarşısında dayanmağınızdan asılı olmayaraq: istər “Qız qalası”, istər “Venesiya” və ya istərsə də “Bakıda payız” olsun. Vacib olan məsələ rəsmlə tamaşaçı arasında yaranan hisslərin, fikirlərin, emosiyaların daxili dialoqu səviyyəsində qarşılıqlı əlaqə prosesidir. Yəni Rəssam və onun yaradıcılığının sirrinə qoşulanlar arasında.

İsa Məmmədovun əsərlərində əks olunan şəhərin memarlıq dinamikasının polifoniyasında, əsərdən əsərə keçərək, siz əslində “Bakı, səni sevirəm!” adlı səyahətə çıxırsınız. Çünki təkcə Rəssamın şəhərə olan hisslərini bölüşmür, başa düşmür və qəbul etmirsiniz, həm də müəyyən bir məqamda süjetlə doğmalaşaraq özünüzü onun müəllifi kimi hiss edirsiniz! Bu vaxt sizə elə gəlir ki, müəllifin gizli düşüncəsinin dərinliyində sizin də düşüncələriniz var.

Şəhərin nəfəsi

Müəllifin hisslərinin vizual diapazonunu təqdim etmə üslubunun xüsusiyyətlərinə qərq olanda poetik cizgilərin assosiativ silsiləsi oyanır. İsa Məmmədovun hisslərinin dadı və rəngi onun kətanlarında günəş işığı və sonsuz sevinc hissi ilə dolu olan havada təcəssüm olunub.

Söz ritmi ilə təsviri sənət ritmi arasında əlaqə qurarkən anlayırsan ki, kulturoloqların “böyük hərflə Sənət” təyini boş səs deyil. Əksinə. Bu, Rəssamın yaradıcılıq prosesinə münasibətdə konseptual mənasının, məzmununun və mövqeyinin, onun ətraf aləmə göndərdikləri ilə bağlı məsuliyyətinin təsdiqidir: dağıdıcı və ya yaradıcı qüvvə. Xüsusilə bizim praqmatik XXI əsrdə!

İsa Məmmədovun sənəti dəyişən dünyaya qarşı yaradıcı müqavimətdir: mənəvi - maddi, əxlaqi - əxlaqsız...

“Bakının mənzərələri” əsərlərində əks olunan Rəssamın dünyası fikir və ruhun harmonik birləşməsi dünyasıdır. Və onun işıq, xeyirxahlıq və sevinc dünyasına düşərkən başa düşürsən ki, Rəssamın kətanlarından sənin üzərinə tökülən, səni onun fikirlərinin, hisslərinin və duyğularının labirintləri ilə aparan şəhərə və onun insanlarına məhəbbət etirafları - bu həm də sənin etiraflarındır. Böyük heyrətlə sən yaşadığın şəhəri özün üçün yenidən kəşf edirsən. Və kəşf edərək daha çox sevirsən!

Dekabrın 20-dək açıq olan İsa Məmmədovun əsərlərinin sərgisi ziyarət edilməyə layiqdir. Özü də mütləq uşaqlar, dostlar, qohumlarla. Xüsusilə emosional sarsıntı keçirənlərin ora tək getməsi vacibdir. Bu rəssamın əsərləri ilə ünsiyyət gözəl əhvali-ruhiyyənin, mənəvi rahatlığın və yaxşı əhvalın açarıdır.