DİRİLİK SUYU - ZƏM-ZƏM

Məkkə şəhərində müsəlmanların əsas məscidi olan «Əl-Haram»ın iç həyətində  bir bulaq var. O, Qara daşdan 18 metr aralıdadır. Həmin bulağın suyu  Zəmzəm  dünyanın möcüzələrindən biri kimi dəyərləndirilir. Kəbə də həmin yerdədir. Kəbə yaxınlığında ilk məscid 638-ci ildə tikilmişdir. İndiki məsjid isə 1570-ci ildən məlumdur. Həmin məscid mövcud olduğu dövrdən dəfələrlə təzədən qurulduğundan, ilk tikilidən çox az şey qalıb. «Əl-Haram» məscidinin əvvəllər altı minarəsi olub. İstanbuldakı Göy məscid üçün də altı minarə tikildikdən sonra,  Sultan Əhməd müqəddəs  «Əl-Haram» məscidinin dünyada  bütün məscidlərdən seçilməsi üçün  onun yeddiminarəli olması barədə göstəriş vermişdi. Hazırda Haram məscidi sahəsi 309 min kvadratmetr olan  böyük bir tikilidir. 1980-ci ildə  bu məscid yenidən qurulan zaman  ona cənub-qərbdən  bitişik ikiminarəli korpus da inşa olunmuşdur. Hazırda bu məscidin doqquz minarəsi vardır. Onlar 95 metr hündürlükdədir. Məscidin 4 giriş qapısından savayı daha 44 digər giriş qapısı da mövcuddur. Məscid binasında  7 eskalator qurulmuşdur.  Onun havası kondisionerlər vasitəsilə təzələnir. Məsciddə  bir dəfəyə 700 min nəfərədək  adam namaz qıla bilir.

Əfsanə və rəvayətlər

Zəm-Zəm suyunun çıxma tarixi Böyük Tanrının iki peyğəmbərnin - İbrahimin və onun oğlu İsmayılın adı ilə   əlaqələndirilir. Ərəb rəvayətlərinə görə, İbrahimin arvadı Saranın uşağı olmurmuş. Bu səbəbdən də o, əri İbrahimə  təzə arvad almasını tövsiyə edirmiş. Arvadı Saranın sözündən çıxa bilməyən İbrahim Saraya Misir fironunun peşkəş etdiyi kənizi  Həcərlə evlənibmiş      (Həcər adının hərfi mənası «Daş» deməkdir). 

Bir müddət sonra Həcər İsmayıl adlı bir oğlan uşağı doğandan sonra  lovğalanaraq Saraya acıq verməyə başlayır. Sara buna dözməyib  İbrahimə şikayətlənir, Həcəri oğlu İsmayıl ilə birlikdə səhraya qovmasını istəyir. İsmayılı olduqca çox sevən İbrahim Saranın təklifini qəbul etmək istəməsə də, Allahın Saranın sözünə baxmaq əmrindən sonra belə bir addım atmağa məjbur olur. O, Həcəri İsmayıl ilə birlikdə  aparıb səhranın  su tapılmayan bir yerinə qoyur. Yemək və su ehtiyatı tükəndikdən sonra,  Həcər su  axtarışına başlayır. O, yaxınlıqdakı  Səfa dağına qalxıb ətrafa göz gəzdirir ki, bəlkə kimisə görə bildi. Amma gözünə heç kim dəymədiyindən, Səfa dağından aşağı enib  dərəboyu qaçaraq Mərv dağına qalxır. O, iki dağ arasındakı yolu Allahdan kömək diləyə-diləyə  yeddi dəfə qət edir. Nəhayət, qulağına Tanrı dərgahından belə bir səs gəlir: «Su var». Bunu eşidən Həcər dərhal oğlu İsmayılın yanına qayıdır və görür ki, uşağın yanında həyatverici təmiz su qaynayır. Su, mələk Jəbrayılın dabanı ilə  yer qabığında açdığı  dəlikdən qalxırdı. O, kiçik bir göl yaratmışdı.  Beləliklə, Həcər və İsmayıl  qadir Allahın mərhəməti sayəsində  müqəddəs torpaqda ömür sürməyə başlayırlar. 

Digər bir rəvayətə görə, oğlunun susuzluqdan həyatdan gedəcəyi təhlükəsindən sinirlənən Həjər, uşağı ovutmaq üçün qumu əlləri ilə özünə tərəf çəkərək, «zəm-zəm», yəni «gəl-gəl» deyəndən sonra, möjüzə baş vermiş və həmin yerdən su fışqırmağa başlamışdır.  Digər rəvayətlərin olduğu da məlumdur.

Dünyada ən yaxşı 

İrəlidə deyildiyi kimi, Zəm-Zəm bulağı  müqəddəs yer sayılan Kəbənin yanında, Məkkənin müqəddəs  «Əl-Haram» məsjidi həyətindədir. Bu çeşmənin suyundan Allahın peyğəmbərləri və onun sevimlisi olan  Məhəmməd Peyğəmbər  içmişlər. Belə bir inam var ki, kim Müqəddəs Kəbənin başına 7 dəfə dolansa, yəni təvaf etsə, daha sonra İbrahim məbədinin qarşısında iki rükət namaz  qılıb  Zəm-Zəm suyundan içsə, Böyük Allah onun bütün günahlarını bağışlar.

Allahın elçisi Daylami  demişdir ki, Zəm-Zəm suyu bütün dərdlərin dərmanıdır.

Qəlbi təmiz adam Zəm-Zəm çeşməsindən götürdüyü suyu axırajan içdiyi halda, ikiüzlü adamlar bu Sudan doyunja içmirlər. Suyun qüdrətindən xəbərdar olanlar çeşmənin qarşısında ayaq üstə dayanıb dua oxuduqdan sonra onu ləzzətlə içirlər. 

Zəm-Zəm suyu heç vaxt qurumur. Bütün fəsillərdə bol olur. Tərkibi və dadı,  tərkibi  və suyun dadı  min illər bundan əvvəldə olduğu kimi dəyişməz qalmışdır.  Suda mikroorqanizmlər, xəstəliktörədici  bakteriyalar  yoxdur. Xoşagələn tamı vardır, evdə saxlanan zaman da xarab olmur. Aclıq hissini yatırdır. Üləmaların fikrinjə, Zəm-Zəm suyu onu içənlərin arzu və diləklərinin həyata keçməsinə yardımçı olur.

Zəm-Zəm suyu dava-dərmanla sağaldıla bilməyən xəstəliklərə son qoyur. Alimlər çox çalışsalar da, bu suyun müalicəvi təsirinin səbəblərini müəyyənləşdirə bilmirlər. 

Səudiyyə Ərəbistanının İnformasiya Nazirliyinin buraxdığı bukletdə  bildirilir ki, aparılmış tədqiqatlar  bu suyun keyfiyyətinin bütün beynəlxalq standartlara uyğun  gəldiyini göstərir. Ərəb kimyaçılarının apardıqları tədqiqatlar nəticəsində məlum olmuşdur ki,  suyun heç bir kimyəvi təsirə məruz qalmamasına baxmayaraq, tərkibində sağlamlıq üçün təhlükəli olan  fosfatlar, sulfatlar, zərərli metallar - mis, qurğuşun, nikel, kobalt, alüminium  yoxdur. Amma orqanizm üçün  faydalı kalsium, maqnezium, soda, potaş və digər mikroelementlər vardır. Lakin suyun müalicəvi xüsusiyyətləri  sadalanan kimyəvi elementlərlə şərtlənmir.  Onun şəfaveriji effekti, çox güman ki, Zəm-Zəmin energetik-informasion  təsiri, yəni İlahi qüvvənin hesabına mümkün olur. Zəm-Zəm suyundan götürülmüş nümunələrin  Avropa laboratoriyalarında analizlərinin nəticələri digər regionlarda aparılmış analizlərin nəticələri ilə  uyğunluq təşkil edir. 

Zəm-Zəm suyundakı kalsium və maqnezium duzlarının miqdarı  şəhərin su kəmərindəkindən yüksəkdir. Bəlkə də  yorğun  zəvvarların bu suyu içən kimi özlərini yüngül hiss etmələrinin səbəbi də budur. 

 Zəm-Zəm  suyunda flüoridlərin olması  onun effektiv bakterisid xassələr qazanmasının əsas səbəbidir. 

Bu suyun  xüsusiyyətlərini dərindən  öyrəndikcə, inanırsan ki, insanı məftun qoyan bütün bunlar qadir Allahın uzaq-uzaq ölkələrdən  gələn zəvvarlara  bəxş etdiyi  böyük sərvətdir. Zəvvarlar möjüzəli Zəm-Zəm suyunu  Məkkə ziyarəti başa çatandan sonra  xüsusi konteynerlərə doldurub özləri ilə vətənlərinə aparırlar. Bilirlər ki, həmin su illərlə qaldıqda belə nə tamını, nə rəngini dəyişir. 

Rəngsiz, qoxusuz, təmiz Zəm-Zəm suyunun tərkibindəki hidrogen ona spesifik dad verir. Həzrət Məhəmməd Peyğəmbər  bu suyu dünyada ən yaxşı su kimi dəyərləndirmişdir. 

2000-ci ilədək  çeşmənin üzərindəki pavilyon  məscidin döşəməsində idi. Həcc mərasimində  Kəbənin ətrafına  dolanan (buna təvaf deyilir) zəvvarlar  suyu birbaşa çeşmənin gözündən içə bilirdilər. «Əl-Haram»da təvaf ərazisinin genişlənməsi ilə əlaqədar olaraq  yerüstü pavilyon sökülmüşdür. Hazırda çeşmənin ağzı  yeraltı kameradadır. Zəvvarların birbaşa çeşmə başına yığışmalarının qarşısı alınmışdır.

Çeşmənin ağzı şüşə panellərdən ibarət  xüsusi binada yerləşir. Panellərin arxasından suyu müşahidə etmək olur.

Yeganə və müqəddəs 

Tokio şəhərində Elmi Tədqiqatlar İnstitutuna başçılıq edən yapon alimi Masaru Yemato  ABŞ-da suyun mikrostrukturu konsepsiyası və maqnit rezonansı texnologiyası ilə tanış olduqdan sonra suyun sirlərini öyrənməyə başlamışdır. Doktor Yemato  planetimizin hər yerində  suların üzərində geniş tədqiqatlar aparmışdır. O müəyyənləşdirmişdir ki, Zəm-Zəm suyunda olan xassələr  adi sularda müşahidə edilməmişdir.  Doktor Yemato  aydın etmişdir ki, bu suyun kristalları  «Bismillahir-Rəhmanir-Rəhim» kəlamı səsləndirilən kimi  öz xassələrini dəyişir. O, bu yaxın dövrlərdə  Səudiyyə Ərəbistanında olarkən  Ciddə şəhərində  500 tədqiqatçının iştirak etdiyi elmi məjlisdə suyun nanotexnologiyaların köməyi ilə  tədqiqindən danışmışdır. O demişdir ki, Zəm-Zəm suyunu Yaponiyada yaşayan bir ərəbdən alandan sonra  tədqiqatlar aparmış və bu suyun yeganə müqəddəs su olduğu qənaətinə gəlmişdir. Suyun kristalları planetimizin hansı yerindən götürülməsindən asılı olmayaraq,  hər hansı bir suyun kristallarına bənzəmir. Alim onu da demişdir ki, laboratoriyalarda aparılan tədqiqatlar və eksperimentlər  bu müqəddəs suyun xassələrini dəyişdirə bilməmişdir. Bunun səbəbi hələ indiyədək də aydınlaşdırılmamışdır. Bununla bərabər, hər bir təkrar eksperimentdən sonra  bu suyun kristalları yeni-yeni  ağlasığmaz  görünüş yaratmışdır. Bu isə onun adi su olmadığının göstəricisidir. 

Su atomlarının kristallaşması  nəzəriyyəsinin banisi olan yapon tədqiqatçısı  müəyyənləşdirmişdir ki, Böyük Tanrının 99 adından hər  biri çəkilən zaman, suyun kristalları təəccübdoğuracaq gözəllikdə şəklə düşür, bu isə  Haqq-Təalanın əzəmətinin sübutu kimi qiymətləndirilməlidir. 

Doktor Yemato suyun yanına Quran surələri yazılmış audiokaset qoyub  bir neçə eksperiment aparıb. Hər dəfə də kristallar paklığı göstərən rəmzlərə çevrilib. Alim bunun səbəbini Quran oxunan zaman  ondan enerci şəklində vibrasiyalar yayılmasında görür. Müqəddəs suyun yaddaşı  gizli enercinin növlərindən biri kimi   məlumatı eşidə, hiss edə, saxlaya  və ötürə bildiyindən, insanın immunitetinin möhkəmlənməsinə  yardımçı olur və beləliklə də müxtəlif xəstəliklərin müalicəsinə öz müsbət təsirini göstərir. Doktor Masaro Yemato   apardığı tədqiqatlar nəticəsində sübut etmişdir ki, hamıda canlı aləmin atomları anlamaq, hiss etmək  xüsusiyyəti vardır. İnsanın vibrasion enerjisi, onun düşüncələri, dünyagörüşləri, duaları Zəm-Zəm suyunun atomlarında  iz qoyur. Oxunan dualar hər bir cismi, o cümlədən suyu  təravətləndirir.

Hər bir kəs Mələk Cəbrayılın bulağı adlanan Zəm-Zəm çeşməsinin suyunu içməzdən  qabaq üzünü Kəbəyə tərəf tutub, Allahdan öz niyyətini diləsə,  arzusu yerinə yetirilər.

Üləmaların birindən  çox yüksək bilik əldə etməsinin  səbəbini soruşublar. O deyib ki, bunun səbəbi  Zəm-Zəm suyunu içməzdən qabaq Allahın dərgahına üz tutub elmlərə yiyələnmək arzusunda olduğunu bildirməsi idi. Allah da mənim duamı eşitdi və arzuma çatmağıma kömək etdi. 

İslamı qəbul etmək üçün Məkkəyə gələn birisi  Allahın rəsulunun harada olduğunu soruşanda bədxahlar onun üstünə tökülüşüb binəvanı huşunu itirənədək döymüşdülər.  O, özünə gələndən sonra Kəbəyə pənah gətirib onun yanında gizlənmişdi. Gecələr Kəbə ətrafında dövrə vuran bir Allah elçisini görüb onunla salamlaşmışdı. Allah elçisi həmin adamın nə vaxt Məkkəyə gəldiyini  soruşmuşdu. Biləndə ki, həmin nəfər Məkkəyə 30 gün qabaq gəlib, maraqlanmışdı, nə yeyib-dolanıb və eşidəndə ki, heç nə yeməyib, anjaq Zəm-Zəm suyu içib, belə demişdi: «Zəm-Zəm xoşbəxtlik gətirən sudur, həm də qidaların yaxşısının yaxşısıdır». 

Zəm-Zəm suyunun  çarəsi tapılmayan xəstəliklərin sağalmasına səbəb olmasına dair də misallar yetərinjədir. 

Küveyt curnalisti Qneym əl Moteyrinin kiçik qardaşı Təlal leykomiya xəstəliyinə düçar olandan sonra, Ər-Riyaddakı amerikalı həkimlər ona onurğa beyini transplantasiya etmişdilər. Bir neçə ay ərzində aldığı dərmanların da heç bir xeyri olmamış, xəstənin halı getdikjə pisləşmişdi. Onun saçı tökülmüş, bədənini yara basmışdı. Hətta dilinə yara da çıxmışdı. 20 yaşlı xəstə yeyə bilmədiyi üçün bir dəri-bir sümük qalmışdı. Xəstənin qohumları, hətta ən yeni tibbi vasitələrin də heç bir xeyri olmadığını yəqin etdikdən sonra,  20 yaşlı xəstə gənci  Məkkəyə kiçik Həcc  ziyarətinə (buna ümrə ziyarəti deyilir) aparmışdılar. Təlal Zəm-Zəm suyu ilə prosedurlara başladıqdan dörd gün sonra  bədənindəki yaralar qurumuş, daha dörd gündən sonra isə tamamilə çəkilib getmişdi. Xəstənin dilindəki yaralar da sağalmışdı. Bir neçə gündən sonra evlərinə qayıdan Təlalın vəziyyəti tədrijən yaxşılaşmışdı.

Heç də təsadüfi deyildir ki, Zəm-Zəm suyunu  dirilik suyu adlandırırlar.  Böyük Tanrının insanlara bəxş etdiyi bu su onu içən kəslərə ancaq xoşbəxtlik  gətirir.