BİRLİK ENERJİSİ

31 dekabr dünyanın hər tərəfində yaşayan azərbaycanlıların şüurunda milli kimlik günüdür. Ötən əsrin 80-ci illərinin sonlarında xalqın birliyə can atmasından ortaya çıxan bu bayram bu gün yetkin bir konsepsiyaya çevrilib. Müasir reallıqda həmrəylik sadəcə emosiyalar deyil, həm də tarixi vətənlə milyonlarla üzvü olan diaspor arasında əlaqələrin möhkəmləndirilməsi üçün yanaşma tələb edir.

Əməldə həmrəylik

Son illər Azərbaycan xalqı üçün tarixi sınaq dövrü olub. Ölkənin ərazi bütövlüyünün bərpası bütün dünyaya göstərib ki, Azərbaycan diasporu sadəcə icmaların cəmi yox, vahid, çevik, yüksək səviyyədə təşkilatlanmış bir dayaqdır. Bu taleyüklü dövrdə xaricdə yaşayan azərbaycanlılar da ən mühüm missiyanı öz üzərlərinə götürərək informasiya blokadasının yarılmasında fəal iştirak ediblər. Dünyanın ən böyük paytaxtlarına diaspor nümayəndələri dinc aksiyalar keçirərək həqiqətlərin beynəlxalq ictimaiyyətə çatdırıb, xarici media ilə işləyib, dezinformasiyaya qarşı mübarizə aparıblar. Bu «vətəndaş diplomatiyası» dövlətin beynəlxalq siyasi arenada qazandığı uğurların möhkəmlənməsinin əsas amilinə çevrilib. Həmin günlərin təcrübəsi sübut edib ki, diaspor ilə dövlətin məqsədləri üst-üstə düşdükdə millət məğlubedilməz olur.

Yeni dövrün vəzifələri

Bu əvəzsiz birlik təcrübəsinə söykənərək, bu gün qarşılıqlı fəaliyyət formalarının sistemli hal alması, emosional impulsun uzunmüddətli strategiyaya çevrilməsi vacibdir. Bu prosesin təməlində intellektual səfərbərlik durur. Müasir diaspor nəhəng insan kapitalı deməkdir: alimlər, həkimlər, mühəndislər, dünyanın aparıcı korporasiyalarının top-menecerləri innovasiyaların daşıyıcılarına çevrilirlər. Təcrübə üçün qlobal platformaların yaradılması bu potensialı regionların bərpası layihələrinə inteqrasiya etməyə imkan verir, həmrəyliyi real, yaradıcı resursa çevirir.

Belə qarşılıqlı fəaliyyətin səmərəliliyi birbaşa xaricdəki icmalarımızın institusional cəhətdən möhkəmlənməsindən asılıdır. Son illərin təcrübəsi göstərir ki, diaspor ən yüksək nəticələrə yalnız dəqiq təşkilatlanma varsa nail olur. Ənənəvi icmaların müasir analitik və informasiya mərkəzlərinə çevrilməsi onların yaşadıqları ölkələrdə uzummüddətli təsirə yol açır. Soydaşlarımızın səsinin peşəkar səviyyədə eşidilməsi, dərin təhlillərə əsaslanması, beynəlxalq hüquq çərçivəsində fəaliyyət göstərməsi çox vacibdir. Nəticədə, bu sistemin dayanıqlılığı varislik və müasir mədəni kodun axtarışı ilə müəyyənləşir.  Gələcəyin həmrəyliyi yalnız gənclərin ümumxalq gündəliyinə fəal şəkildə cəlb olunmaları ilə mümkündür. Bu gün bizim ümumi vəzifəmiz mədəni irsi yeni texnologiyalar prizmasından əlçatan etməkdir. Keyfiyyətli rəqəmsal kontent, interaktiv təhsil platformaları, beynəlxalq gənclər forumları yeni nəsillərin yalnız köklərə bağlı yaddaşı qorumasına deyil, həm də millətin ortaq gələcəyinin tamhüquqlu memarlarına çevirmələrinə kömək etməlidir.

Həmrəylik gələcəyin layihəsi kimi Həmrəylik fasiləsiz yaradıcı prosesdir. Azərbaycanın uğurları dünyanın hər tərəfindən yaşayan soydaşımızda qürur hissi yaradır, onların nailiyyətləri isə dövlətin nüfuzunu daha da artırır.

31 dekabr məqsədlərimizi uzlaşdırdığımız gündür. Gücümüz vahid millətə mənsub olma hissini real əməllərə çevirmək bacarığımızdadır. Həmrəyliyin gələcəyi epizodik qarşılıqlı əlaqələrin daimi intellektual və texnoloji tərəfdaşlığa çevrilməsindədir. Məhz bu, bizi yalnız tariximizi qorumağa qadir olan deyil, həm də sabahın qlobal gündəliyini formalaşdıran millətə çevirir.